Marrëveshja e Ohrit nuk nënkupton njohje, por normalizim të marrëdhënieve ndërmjet Kosovës dhe Serbisë, ka thënë në një intervistë ekskluzive për Bujanoc, ambasadori i SHBA-së në Serbi, Christopher Hill.

Siç tha ai, Serbia ka përmbushur një pjesë të mirë të kësaj marrëveshjeje dhe më e rëndësishmja që mbetet është gjetja e rrugës për qasjen e Kosovës në organizata të ndryshme ndërkombëtare.

Nga ana tjetër, siç theksoi ambasadori, Serbia ka të drejtë në Bashkimin e Komunave Serbe.

“Në Kosovë, ata e shohin ZSO-në si një lloj Republika Srpska në Bosnje dhe Hercegovinë, por ZSO nuk ka ngjashmëri me Bosnje-Hercegovinën. Megjithatë, secili ka të drejtën e mendimit të tij, por jo të shtrembërojë faktet. Serbia dhe serbët në Kosovë para së gjithash kujdesen për arsimin dhe shëndetësinë dhe përmes ZSO-së kanë të drejtë për këtë, tha Hill.

Ai theksoi se kuptimi i Marrëveshjes së Ohrit është “normalizimi i marrëdhënieve ndërmjet Kosovës dhe Serbisë”.

“Që njerëzit duke kaluar nëpër pikat kufitare nuk mendojnë për politikë por për rritjen e cilësisë së jetës së tyre”, tha Hill.

Ai theksoi se beson në normalizim sepse, siç tha, “çdo gjë është e realizueshme nëse njerëzit duan të flasin.